صدر مملکت کا بھارت کی جانب سے سندھ طاس معاہدے کی معطلی پر اظہار تشویش

اسلام آباد: صدرِ مملکت آصف علی زرداری نے ‘عالمی یومِ آب’ کے موقع پر اپنے خصوصی پیغام میں بھارت کی جانب سے مشترکہ آبی وسائل کو بطور ہتھیار استعمال کرنے کی شدید مذمت کرتے ہوئے گہری تشویش کا اظہار کیا ہے۔ صدر زرداری نے سندھ طاس معاہدے کی معطلی اور ہائیڈرولوجیکل ڈیٹا شیئرنگ میں بھارتی رکاوٹوں کو خطے کے امن اور پانی کی منصفانہ تقسیم کے لیے خطرہ قرار دیا۔

صدرِ مملکت نے زور دیا کہ سندھ طاس معاہدہ خطے میں آبی استحکام کا ضامن ہے، لہٰذا بھارت اس پر مکمل عملدرآمد بحال کرے۔ انہوں نے رواں سال کے موضوع “پانی اور صنف” (Water and Gender) پر روشنی ڈالتے ہوئے کہا کہ صاف پانی کی عدم دستیابی کا سب سے زیادہ بوجھ خواتین اور لڑکیوں پر پڑتا ہے، جن کا قیمتی وقت پانی کے حصول کی نذر ہو جاتا ہے۔

آصف علی زرداری کا مزید کہنا تھا کہ صاف پانی اور نکاسیِ آب تک رسائی ہر شہری کا بنیادی حق ہے، جسے قومی ترجیح بنانا وقت کی ضرورت ہے۔ انہوں نے موسمیاتی تبدیلی اور بڑھتی ہوئی آبادی کے پیشِ نظر بارش کے پانی کو محفوظ بنانے (Rainwater Harvesting) اور آبی وسائل کے مؤثر انتظام میں سرمایہ کاری بڑھانے پر زور دیا، تاکہ مستقبل کے آبی بحران سے بچا جا سکے۔

ترجمان سندھ حکومت سعدیہ جاوید نے بھی شیری رحمٰن کی بیٹی کے انتقال پر اظہار افسوس کرتے ہوئے کہا ہے کہ دکھ کی اس گھڑی میں سوگوار خاندان کے ساتھ برابر کے شریک ہیں۔