ارشد ندیم نے اسلامک سالیڈیریٹی گیمز میں جیولن تھرو کا گولڈ میڈل جیت لیا

پاکستان کے اولمپک گولڈ میڈلسٹ ارشد ندیم نے اسلامک سالیڈیریٹی گیمز میں جیولن تھرو مقابلے میں شاندار کارکردگی کا مظاہرہ کرتے ہوئے گولڈ میڈل جیت لیا۔

ارشد ندیم نے 83.05 میٹر کی لمبی تھرو کر کے طلائی تمغہ اپنے نام کیا، جبکہ پاکستان ہی کے محمد یاسر سلطان نے 76.04 میٹر تھرو کے ساتھ سلور میڈل حاصل کیا۔ نائیجیریا کے سیموئل ایڈمز تیسرے نمبر پر رہے جنہوں نے 76.01 میٹر تھرو کی۔

ارشد ندیم پہلے بھی اولمپکس اور ایشین چیمپئن شپ میں گولڈ میڈل جیت چکے ہیں اور انہوں نے ایک بار پھر اپنی مہارت کا لوہا منوایا۔ یاسر سلطان نے اپنی چھٹی کوشش میں بہترین تھرو کی اور سلور میڈل جیتا، جبکہ نائیجیریا کے سیموئل ایڈمز نے مقابلہ سخت بنایا۔