LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
نئے صوبوں کے قیام کیلئے عوامی رائے لینے میں کوئی حرج نہیں: بیرسٹرعقیل ملک ن لیگ سے اتحاد ملک کی خاطر کیا، نئے صوبوں پر عوامی رائے اہم ہے: گورنر پنجاب سی ڈی ڈبلیو پی نے 19 ارب 30 کروڑ روپے کے 7 ترقیاتی منصوبوں کی منظوری دے دی ای سی سی اجلاس، ایس ایم ایز کیلئے ایکسپورٹ فنانسنگ پالیسی میں ترامیم کی منظوری پنجاب ویٹ ریلیز اینڈ فلور ڈسٹری بیوشن آرڈر 2026 کا اطلاق آج سے ہو گا پاکستان اور بھارت کے درمیان تہذیبی روابط، مکالمے کا فروغ ناگزیر: مصدق ملک پٹرول کی قیمت میں ایک روہے کمی، ڈیزل 2 روپے لٹر مہنگا ہو گیا سعودی فوجی اتحاد کی حوثی ملیشیا کے خلاف کارروائی، 7 فوجی اہداف تباہ کرنے کا دعویٰ روس کی پاکستان اور افغانستان کے درمیان مذاکرات میں ثالثی کی پیشکش ایم کیو ایم رکن سندھ اسمبلی اعجاز الحق نے رکنیت سے استعفی دے دیا: ذرائع خیبرپختونخوا سے متعلق پانچ آرڈیننسز کے اجرا کی تیاری، وفاق نے سمری منظور کر لی موجودہ نظام اللہ کے احکامات کے خلاف، اسے ختم ہونا چاہیے: حافظ نعیم الرحمٰن پاکستان نے اقوام متحدہ میں بھارت کے غیر سفارتی اور بے بنیاد بیانات مسترد کردیے جنگ کا بڑا حصہ گزر چکا، ایک بڑا مرحلہ باقی ہے، احمد وحیدی وفاقی اداروں میں بدعنوانی کے امکانات کی جائزہ رپورٹ تیار کرلی: اعظم تارڑ

تاریخی قائداعظم لائبریری کی ڈیجیٹلائزیشن کے بڑے منصوبے کا آغاز

Web Desk

12 March 2026

قائداعظم لائبریری کو جدید تقاضوں کے مطابق ڈھالنے کے لیے اس کی ڈیجیٹلائزیشن کا بڑا منصوبہ شروع کر دیا گیا ہے۔ اس منصوبے کے تحت آئندہ دو سے تین برسوں میں لائبریری کے بیشتر علمی و تحقیقی ذخائر کو آن لائن دستیاب بنانے کا ہدف مقرر کیا گیا ہے۔

ڈائریکٹر جنرل پنجاب لائبریریز کاشف منظور نے بتایا کہ قائداعظم لائبریری نہ صرف لاہور بلکہ ملک کی اہم ریفرنس اور تحقیقی لائبریریوں میں شمار ہوتی ہے، جہاں تقریباً 1.5 لاکھ کتابیں موجود ہیں اور لاکھوں آن لائن تحقیقی وسائل تک بھی رسائی فراہم کی جا رہی ہے۔

انہوں نے کہا کہ ڈیجیٹلائزیشن کے تحت ذخائر کو مرحلہ وار آن لائن منتقل کیا جا رہا ہے تاکہ محققین اور طلبہ دنیا کے کسی بھی حصے سے اس علمی سرمایہ سے فائدہ اٹھا سکیں۔

لائبریری کی موجودہ عمارت کی تاریخ انیسویں صدی کے وسط تک جاتی ہے، جسے ابتدائی طور پر جم خانہ کے طور پر استعمال کیا گیا، بعد ازاں یہ عمارت سول سروسز اکیڈمی کے لیے مختص ہوئی اور مارشل لا کے دوران فوجی دفاتر کے لیے استعمال ہوئی۔ 1984 میں اسے باقاعدہ عوامی لائبریری میں تبدیل کیا گیا۔

کاشف منظور کے مطابق قائداعظم لائبریری بنیادی طور پر ریفرنس اور تحقیقی مواد کے لیے ہے، مگر سی ایس ایس اور پی ایم ایس سمیت دیگر مقابلے کے امتحانات کی تیاری کرنے والے طلبہ بھی یہاں آ کر مستند علمی ماحول سے فائدہ اٹھاتے ہیں۔

طلبہ نے بھی لائبریری کی اہمیت پر زور دیا، سی ایس ایس کے امیدوار غلام مرتضیٰ نے کہا کہ آن لائن مواد دستیاب ہوتا ہے لیکن اس کی درستگی پر سوالات اٹھتے ہیں، جبکہ کتابوں میں مستند حوالہ جات دستیاب ہیں۔ طالبہ صبا احمد نے کہا کہ کئی سرکاری دستاویزات، ریکارڈ اور نایاب کتابیں اب بھی آن لائن دستیاب نہیں ہیں، اس لیے لائبریری تحقیقی اور تعلیمی مقاصد کے لیے آج بھی ایک قابل اعتماد ذریعہ ہے۔