ایران کیخلاف کارروائی مکمل کرنے میں 4 سے 6 ہفتے لگیں گے: ترجمان وائٹ ہاؤس

وائٹ ہاؤس کی ترجمان کیرولائن لیویٹ نے کہا ہے کہ ایران کے خلاف جاری کارروائیوں کو مکمل ہونے میں چار سے چھ ہفتے لگ سکتے ہیں۔

ترجمان کے مطابق امریکا کے پاس ایران کے خلاف کارروائیوں کے لیے ہتھیاروں کا بڑا ذخیرہ موجود ہے اور اس حوالے سے حکمت عملی پر کام جاری ہے۔انہوں نے بتایا کہ صدر ڈونلڈ ٹرمپ جلد وزیر دفاع سے ملاقات کریں گے جس میں ایران سے متعلق صورتحال اور آئندہ اقدامات پر غور کیا جائے گا۔کیرولائن لیویٹ کا کہنا تھا کہ ایران کی قیادت کے حوالے سے بھی متعدد شخصیات کے نام زیر غور ہیں۔انہوں نے مزید کہا کہ امریکا ایران کی فضائی حدود پر کنٹرول حاصل کرنے کی کوشش کر رہا ہے اور خطے کی صورتحال پر مسلسل نظر رکھی جا رہی ہے۔