ایران نے سب کچھ کھو دیا، امریکہ کے لیے فوج اتارنا وقت کا ضیاع ہوگا: ٹرمپ

امریکی صدر ڈونلڈ ٹرمپ نے ایران کے خلاف جاری جارحانہ مہم میں تیزی لاتے ہوئے دعویٰ کیا ہے کہ تہران اپنی بحریہ سمیت تمام اہم دفاعی اثاثے کھو چکا ہے۔ امریکی ٹی وی کو دیے گئے انٹرویو میں صدر ٹرمپ نے کہا کہ ایران اس وقت مکمل طور پر کمزور ہو چکا ہے اور وہاں امریکی فوج اتارنا اب محض وقت کا ضیاع ہوگا کیونکہ سب کچھ پہلے ہی تباہ کیا جا چکا ہے۔ انہوں نے ایرانی کردوں کو براہِ راست پیغام دیا کہ وہ تہران حکومت کے خلاف جنگ میں شامل ہوں اور ایران پر حملہ کریں۔ صدر ٹرمپ نے ایک بار پھر واضح کیا کہ امریکہ ایران کی موجودہ قیادت کا مکمل صفایا چاہتا ہے اور تہران کا اگلا رہنما واشنگٹن طے کرے گا۔ انہوں نے مجتبیٰ خامنہ ای کی جانشینی کو مسترد کرتے ہوئے کہا کہ خامنہ ای کی پالیسیاں جاری رکھنے والا کوئی بھی لیڈر قبول نہیں کیا جائے گا۔