امریکی حملوں میں ایران کے 200 اہداف اور 30 بحری جہاز تباہ، ہلاکتوں کی تعداد 1200 سے متجاوز

امریکا نے گزشتہ باہتر گھنٹوں کے دوران ایران کے دو سو اہداف پر حملے کرکے بیلسٹک میزائل کے ذخیرے اور تیس سے زائد بحری جہاز تباہ کرنے کا دعویٰ کیا ہے۔ جبکہ ایران میں امریکی اسرائیلی حملوں سے اب تک ایک ہزار دو سو تیس افراد شہید ہوئے ہیں، لبنان پر حملوں میں ستتر افراد شہید ہوئے ہیں۔ امریکی سینٹرل کمانڈ کے کمانڈر ایڈمرل بریڈ کاپر نے بریفنگ میں بتایا کہ بی ٹو بمبار طیاروں نے درجنوں بنکر بسٹر بموں سے گہرائی میں دفن بیلسٹک میزائل لانچرز تباہ کردیئے ہیں۔ پہلے دن کے بعد سے ایرانی بیلسٹک میزائل حملوں میں نوے فیصد کمی آئی ہے، آپریشن کے اگلے مرحلے میں ایران کی میزائل پیداوار کی صلاحیت کو تباہ کرنے پر توجہ دی جائے گی۔