ایران کے 30 سے زائد بحری جہاز ڈبو دیئے، امریکا کا دعویٰ

واشنگٹن: امریکی سینٹرل کمانڈ کے کمانڈر نے دعویٰ کیا ہے کہ ایران کے خلاف جاری کارروائیوں کے دوران اب تک 30 سے زائد ایرانی بحری جہاز ڈبو دیے گئے ہیں۔

ایران سے متعلق بریفنگ دیتے ہوئے امریکی فوجی حکام نے کہا کہ حالیہ حملوں کے نتیجے میں ایران کی عسکری صلاحیتوں کو شدید نقصان پہنچا ہے۔

ان کے مطابق ایرانی بیلسٹک میزائل حملوں میں تقریباً 90 فیصد جبکہ ڈرون حملوں میں 83 فیصد تک کمی آ چکی ہے۔

امریکی کمانڈر کا کہنا تھا کہ اگلے مرحلے میں ایران کی میزائل تیار کرنے کی صلاحیت کو مکمل طور پر ختم کرنے کا ہدف رکھا گیا ہے تاکہ مستقبل میں ایران کی عسکری طاقت مزید محدود کی جا سکے۔

انہوں نے کہا کہ امریکا صورتحال پر مسلسل نظر رکھے ہوئے ہے اور ضرورت پڑنے پر مزید اقدامات بھی کیے جا سکتے ہیں۔