مجتبیٰ خامنہ ای قابل قبول نہیں،ایران کے نئے رہنماکے انتخاب میں مجھے شامل کیاجائے، امریکی صدر

امریکی صدر ڈونلڈ ٹرمپ نے کہا کہ ایران کے نئے رہنما کے انتخاب میں شامل ہونا چاہتاہوں، آیت اللہ خامنہ ای کے بیٹے مجتبیٰ خامنہ ای ان کے لیے ناقابل قبول ہیں ۔

ایک امریکی نیوزویب سائٹ کو انٹرویومیں ڈونلڈ ٹرمپ کا کہناتھا کہ مجتبیٰ خامنہ ای ، آیت اللہ خامنہ ای کے بیٹے ہیں جوکہ ممکنہ طور پر ایران کے سپریم لیڈر ہو سکتے ہیں، آیت اللہ خامنہ ای کی پالیسیاں جاری رکھنے والے لیڈر کو قبول نہیں کریں گے ، ایسا شخص چاہتے ہیں جو ایران میں اتحاد اور امن لائے ۔

امریکی صدرکاکہناتھاکہ مجھے ایران کے نئے رہنما کے انتخاب کے عمل میں شامل کیا جانا چاہیے۔، بالکل اسی طرح جیسے ڈیلسی روڈریگز کے معاملے میں وینزویلا میں شامل کیا گیا تھا۔ خیال رہے امریکہ کے وینزویلا پر حملے اور نیکولس مادورو کی گرفتاری کے بعد ان کی نائب ڈیلسی روڈریگز عارضی صدر کے طور پر اقتدار میں آئی تھیں۔