ایران میں زمینی افواج بھیجنے کا کوئی ارادہ نہیں، وائٹ ہاؤس

امریکی صدارتی دفتر وائٹ ہاؤس کی ترجمان کیرولین لیوٹ نے کہا ہے کہ فی الحال ایران میں امریکی زمینی افواج داخل کرنے کا کوئی ارادہ نہیں ہے۔

پریس بریفنگ کے دوران انہوں نے کہا کہ ایران گزشتہ سینتالیس برس سے امریکا اور اس کے اتحادیوں کے لیے خطرہ بنا ہوا ہے اور امریکی عوام اس حقیقت سے آگاہ ہیں کہ ایران ایک باغی اور دہشت گرد ریاست ہے۔

کیرولین لیوٹ کا کہنا تھا کہ امریکی صدر ڈونلڈ ٹرمپ سمجھتے ہیں کہ ایران کے خلاف پالیسی پر انہیں امریکی عوام کی حمایت حاصل ہے۔

انہوں نے مزید بتایا کہ آبنائے ہرمز کو محفوظ بنانے کے منصوبے پر کام جاری ہے اور وہاں تیل بردار جہازوں کے تحفظ کے لیے اقدامات کیے جا رہے ہیں۔

ترجمان کے مطابق ایران میں حالیہ فوجی کارروائی کے بعد امریکا کے مستقبل کے کردار سے متعلق صدر ٹرمپ اپنے مشیروں سے مشاورت کر رہے ہیں۔ انہوں نے یہ بھی کہا کہ اسپین امریکی فوج کے ساتھ تعاون کے لیے رضامند ہے۔