امریکی مقاصد کے حصول تک ایران کے خلاف کارروائیاں جاری رہیں گی

امریکی وزیر خارجہ مارکو روبیو نے واضح کیا ہے کہ امریکی مقاصد کے حصول تک ایران کیخلاف کارروائیاں جاری رہیں گی۔ واشنگٹن میں میڈیا سے گفتگو کرتے ہوئے مارکو روبیو کا کہنا تھا مشرقِ وسطیٰ میں امریکی سفارتی دفاتر براہِ راست حملوں کی زد میں آچکے ہیں اور امریکی شہریوں کے انخلا کی کارروائیاں جاری ہیں۔ دبئی میں امریکی قونصل خانے سے ملحق پارکنگ ایریا میں ڈرون حملہ ہوا۔ امریکی وزیر خارجہ نے دہرایا کہ ایران کو کسی صورت جوہری ہتھیارحاصل کرنے کی اجازت نہیں دیں گے۔ امریکی فوجیوں اور شہریوں کی سکیورٹی ترجیح ہے، فضائی حدود کا بند ہونا ہمارے لئے چیلنج ہے، مشرق وسطیٰ میں امریکیوں کو سفارت خانوں سے رابطہ کرنا چاہئے۔ انھوں نے بتایا کہ جنگ کے آغاز سے اب تک ہزار امریکی خطے سے نکل چکے ہیں۔