ایران پر حملے کیلئے اپنی فضائی حدود استعمال نہیں ہونے دیں گے: اماراتی حکومت کا اعلان

متحدہ عرب امارات کی وزیرِ مملکت برائے بین الاقوامی تعاون، ریم الہاشمی نے واضح کیا ہے کہ امارات اپنی فضائی حدود کو ایران پر کسی بھی قسم کے حملے کے لیے استعمال کرنے کی اجازت نہیں دے گا۔ پریس بریفنگ کے دوران انہوں نے کہا کہ اگرچہ ایران کا بیلسٹک میزائل پروگرام خطے کی سلامتی کے لیے ایک بڑا خطرہ ہے، تاہم یو اے ای کشیدگی میں اضافے کے بجائے امن کا حامی ہے۔ ایرانی حملوں کے ردِعمل میں متحدہ عرب امارات نے تہران میں اپنا سفارت خانہ بند کر کے سفیر کو واپس بلا لیا ہے۔ ریم الہاشمی نے مزید کہا کہ فوجی حل ممکن نہیں اور مزید کشیدگی پورے خطے کو تباہی کی طرف لے جائے گی۔