ٹی ٹوئنٹی ورلڈ کپ 2026: پاکستان کے خلاف میچ کیلئے بھارت کی ممکنہ حکمت عملی سامنے آگئی

انٹرنیشنل کرکٹ کونسل کے زیر اہتمام ٹی ٹوئنٹی ورلڈ کپ 2026 میں آج پاکستان اور بھارت کی ٹیمیں کولمبو کے آر پریماداسا اسٹیڈیم میں مدِمقابل ہوں گی۔

میچ پاکستانی وقت کے مطابق شام 6 بجکر 30 منٹ پر شروع ہوگا اور اسے ایونٹ کا سب سے اہم اور سنسنی خیز مقابلہ قرار دیا جارہا ہے۔

ذرائع کے مطابق بھارتی ٹیم مینجمنٹ نے پاکستان کے خلاف میچ میں اسپن اٹیک کو مضبوط بنانے کا فیصلہ کیا ہے۔ اطلاعات ہیں کہ فاسٹ بولر ارشدیپ سنگھ کو ٹیم سے باہر رکھ کر اسپنر کلدیپ یادیو کو پلیئنگ الیون میں شامل کیا جائے گا۔

اکتیس سالہ کلدیپ یادیو پہلی مرتبہ ورلڈ کپ میں پاکستان کے خلاف ایکشن میں نظر آئیں گے۔

ذرائع کا کہنا ہے کہ اوپننگ کے فرائض ابھیشک شرما اور ایشان کشن انجام دیں گے، جبکہ ٹیم کمبی نیشن میں توازن برقرار رکھنے پر خصوصی توجہ دی گئی ہے۔