صحرائےچولستان کےٹیلوں پر جیپ ریسرزکی مہارت کا دوسرا روز

صحرائے چولستان کے ٹیلوں پر جیپ ریس کے دوسرے روز میں ریسرز اپنی مہارت کا مظاہرہ کر رہے ہیں۔

21 ویں بین الاقوامی میگا ایونٹ میں آج سٹاک کیٹگری گاڑیوں کی ریس ہوگی، جس میں 79 ریسرز حصہ لے رہے ہیں۔ سب سے پہلےمحمد ریان خلیل گاڑی دوڑائیں گے، بسمہ اللہ مگسی دوسرے اور اویس شیوانی تیسرے نمبر پر ٹریک پر گاڑی دوڑائیں گے۔ تمام ریسرز 216 کلومیٹر طویل ٹیلوں پر اپنی مہارت دکھائیں گے۔

اس ریس میں چار خواتین ریسرز بھی شامل ہیں جو اپنی کارکردگی سے تماشائیوں کو محظوظ کریں گی۔

ایونٹ کے دوران دل وش اسٹیڈیم میں اونٹ ڈانس، ناچی بکریوں کا شو اور کبڈی میچ بھی منعقد ہوگا، جبکہ ٹی ڈی سی پی کی جانب سے میوزیکل نائٹ کا بھی اہتمام کیا گیا ہے۔

پری پیئرڈ کیٹگری گاڑیوں کا فائنل راؤنڈ کل ہوگا اور ٹی ڈی سی پی ریزارٹ میں کل شام انعامات تقسیم کرنے کی تقریب منعقد ہوگی۔