یوٹیوب کی بڑی اپ ڈیٹ: اب 27 زبانوں میں ویڈیوز دیکھیں اور سنیں

ویڈیو شیئرنگ پلیٹ فارم یوٹیوب نے ایک اہم فیچر اپ ڈیٹ متعارف کرائی ہے، جس کے تحت صارفین اب کسی بھی ویڈیو کو اپنی مادری زبان میں دیکھ اور سن سکیں گے۔ یہ سہولت مصنوعی ذہانت کی مدد سے ممکن ہوئی ہے اور اب 27 مختلف زبانیں سپورٹ کی جاتی ہیں۔

نئے فیچر میں ’’Expressive Speech‘‘ نامی اے آئی ٹیکنالوجی استعمال کی گئی ہے، جو اصل تخلیق کار کی آواز کے لہجے، جذبات اور اندازِ بیان کو برقرار رکھتی ہے۔ یوٹیوب صارفین اپنی پسندیدہ زبان سیٹنگز میں منتخب کر کے ڈب شدہ ویڈیوز خودکار طور پر دیکھ سکتے ہیں۔

کمپنی کا کہنا ہے کہ یہ اپ ڈیٹ عالمی مواد تک رسائی میں زبان کی رکاوٹ کو ختم کرے گا اور تخلیق کاروں کے لیے دنیا بھر کے ناظرین تک پہنچنے کے مواقع بڑھائے گا۔ فی الحال انگریزی، ہندی، فرانسیسی، جرمن، انڈونیشی، اطالوی، پرتگالی اور ہسپانوی زبانوں میں یہ فیچر دستیاب ہے، اور مزید زبانیں جلد شامل کی جائیں گی۔