متعدد عالمی رہنماؤں کی روسی صدر کو سالگرہ پر مبارکباد، نیک خواہشات کا اظہار

روسی صدر ولادی میر پیوٹن کی 74ویں سالگرہ کے موقع پر چین، شمالی کوریا اور بیلاروس سمیت دنیا کے متعدد اتحادی ممالک کے رہنماؤں کی جانب سے انہیں مبارکباد کے پیغام ارسال کیے گئے ہیں اور نیک خواہشات کا اظہار کیا گیا ہے۔

شمالی کوریا کے سربراہ کیم جونگ ان نے اپنے مبارکباد کے پیغام میں روس کے لیے مکمل اور غیر متزلزل حمایت کا اعادہ کیا۔ اسی طرح چین کے صدر شی جن پنگ اور بیلاروس کے صدر الیگزینڈر لوکاشینکو نے بھی روسی صدر کو سالگرہ کی مبارکباد دیتے ہوئے باہمی تعلقات اور تزویراتی شراکت داری کو مزید مستحکم بنانے کے عزم کا اظہار کیا ہے۔ کریملن کے مطابق متعدد عالمی رہنماؤں نے ٹیلی فونک رابطوں اور باضابطہ مراسلوں کے ذریعے صدر پیوٹن کے لیے نیک تمناؤں کا پیغام بھیجا ہے۔