ایران سے سیز فائر کی ڈیڈ لائن طے نہیں کی، وقت کا تعین کمانڈ ان چیف کرینگے: کیرولین لیوٹ

وائٹ ہاؤس کی ترجمان کیرولین لیوٹ نے ایران کے ساتھ جاری مذاکرات اور جنگ بندی کے حوالے سے اہم بیان جاری کرتے ہوئے واضح کیا ہے کہ امریکہ اپنی شرائط پر کوئی سمجھوتہ نہیں کرے گا۔ ترجمان کے مطابق، ایران کو متفقہ تجاویز پر غور کرنے کے لیے چند دن کی مہلت دی گئی ہے، تاہم جنگ بندی کے مستقل خاتمے یا حتمی فیصلے کی کوئی ڈیڈ لائن طے نہیں کی گئی، جس کا اختیار صرف کمانڈ ان چیف (صدر ٹرمپ) کے پاس ہے۔

کیرولین لیوٹ نے حالیہ کشیدگی اور معاشی صورتحال پر گفتگو کرتے ہوئے صدر ٹرمپ کی ‘میکسیمم پریشر’ مہم کو کامیاب قرار دیا اور ایران کے لیے سخت پیغام جاری کیا۔