صدر پوتن نے رمضان قادروف کو آرمی جنرل کا اعلیٰ عسکری رینک دے دیا

روس کے صدر ولادیمیر پوتن نے چیچن ریپبلک کے سربراہ رمضان قادروف کو کرنل جنرل سے ترقی دے کر “آرمی جنرل” کا اعلیٰ ترین عسکری رینک عطا کر دیا ہے۔ چیچنیا کے دارالحکومت گروزنی میں منعقدہ ایک پروقار تقریب کے دوران روسی نیشنل گارڈ کے سربراہ وکٹر زولوتوف نے رمضان قادروف کو نيا رینک، شولڈر بورڈز اور خصوصی عسکری دستوں کی علامت سمجھا جانے والا قرمزی بیرٹ پیش کیا۔

ترقی کا صدارتی حکم نامہ پیش کرتے ہوئے وکٹر زولوتوف نے بتایا کہ رمضان قادروف کو یہ رینک دہشت گردی و انتہا پسندی کے خلاف جنگ، روسی فیڈریشن کی داخلی سلامتی کو یقینی بنانے اور ملٹری یونٹس کی فیلڈ معاونت میں ناقابلِ فراموش خدمات پر دیا گیا ہے۔ اعزاز وصول کرنے کے بعد چیچن سربراہ نے کہا کہ عہدہ اور رینک بڑھنے سے ان کی قومی ذمہ داریاں مزید بڑھ گئی ہیں۔ واضح رہے کہ “آرمی جنرل” روس کا اعلیٰ ترین فعال عسکری عہدہ ہے، جس سے اوپر محض مارشل کا متبرک عہدہ آتا ہے۔