عظمیٰ بخاری فیک ویڈیو کیس: بیان ریکارڈ، جرح کیلئے 12 ستمبر کی تاریخ مقرر

لاہور کی ضلع کچہری میں جوڈیشل مجسٹریٹ نعیم وٹو کی عدالت کے سامنے صوبائی وزیر عظمیٰ بخاری نے اپنی فیک ویڈیو وائرل کرنے کے کیس میں بطور کمپلیننٹ اپنا بیان ریکارڈ کرا دیا۔ سماعت کے دوران عظمیٰ بخاری اور جیل سے لائی گئی مرکزی ملزمہ فلک جاوید کے درمیان شدید تلخ کلامی ہوئی جس پر جج نے برہمی کا اظہار کرتے ہوئے دونوں کو خاموش کروایا۔ عظمیٰ بخاری نے بیان میں کہا کہ جولائی 2025ء میں ان کے نام سے منسوب ایک فیک ویڈیو وائرل کی گئی جس سے وہ شدید ذہنی کرب اور سیکیورٹی خدشات سے گزریں۔ دوسری جانب عدالت میں بلاوجہ گرفتاری کے وارنٹ کی خبر پھیلانے والے ایک یوٹیوبر نے بھی غیر مشروط معافی مانگ لی۔ عدالت نے عظمیٰ بخاری کے بیان پر صفائی کے وکیل کی جرح کے لیے 12 ستمبر کی تاریخ مقرر کرتے ہوئے کارروائی ملتوی کر دی۔