سنگین سکیورٹی خدشات: امریکا کا اپنے شہریوں کو مشرق وسطیٰ کے 14 ممالک سے نکلنے کا حکم

امریکا نے مشرق وسطیٰ کے ایک درجن ممالک میں موجود اپنے شہریوں کو فوری طور پر کمرشل ذرائع سے ملک چھوڑنے کی ہدایت جاری کر دی ہے۔

امریکی اسٹیٹ ڈیپارٹمنٹ کی جانب سے جاری سکیورٹی اپ ڈیٹ میں کہا گیا ہے کہ خطے میں سنگین سکیورٹی خطرات کے پیش نظر امریکی شہری فوری روانگی کو یقینی بنائیں۔

اعلامیے کے مطابق جن ممالک کیلئے ہدایت جاری کی گئی ہے ان میں بحرین، مصر، ایران، عراق، اسرائیل، مغربی کنارہ اور غزہ، اردن، کویت، لبنان، عمان، قطر، سعودی عرب، شام، متحدہ عرب امارات اور یمن شامل ہیں۔

امریکی محکمہ خارجہ نے کہا ہے کہ جن شہریوں کو روانگی کے انتظامات میں معاونت درکار ہو وہ متعلقہ حکام سے رابطہ کریں۔ بیان میں واضح کیا گیا ہے کہ صورتحال مسلسل نگرانی میں ہے اور حفاظتی ہدایات میں ضرورت کے مطابق تبدیلی کی جا سکتی ہے۔

امریکی حکام نے خطے میں موجود شہریوں کو ہدایت کی ہے کہ وہ مقامی حالات پر نظر رکھیں، غیر ضروری نقل و حرکت سے گریز کریں اور حفاظتی اقدامات اختیار کریں۔