امریکہ آبنائے ہرمز کھلوانے کیلئے نیا عالمی اتحاد بنانے کیلئے سرگرم

امریکی حکومت نے آبنائے ہرمز کے راستے عالمی تجارت کی بحالی کے لیے ایک نیا بین الاقوامی اتحاد تشکیل دینے کی کوششیں شروع کر دی ہیں۔ امریکی محکمہ خارجہ نے دنیا بھر میں موجود اپنے سفارت خانوں کو خصوصی ہدایات جاری کی ہیں کہ وہ میزبان ممالک کو ‘میری ٹائم فریڈم کنسٹرکٹ’ (Maritime Freedom Construct) نامی نئے معاہدے میں شامل ہونے کے لیے راغب کریں۔ یہ سفارتی پیش رفت ایک ایسے وقت میں سامنے آئی ہے جب چند ہفتے قبل صدر ٹرمپ نے دعویٰ کیا تھا کہ آبنائے ہرمز مکمل طور پر کھلی ہے، تاہم زمینی حقائق اور حالیہ امریکی اقدامات اس کے برعکس صورتحال کی نشاندہی کر رہے ہیں۔ اس اتحاد کا بنیادی مقصد اہم تجارتی گزرگاہوں میں جہاز رانی کی آزادی کو یقینی بنانا اور علاقائی کشیدگی کے دوران تجارتی مفادات کا تحفظ کرنا ہے۔