امریکانے بحر ہند میں ایرانی تیل لے جانے والے ایک اور ٹینکر پر قبضہ کرلیا

امریکی افواج نے بحرِ ہند میں ایک ایسے جہاز پر کوتحویل میں لے لیاہے جو ایران کو معاونت فراہم کر رہا تھا۔امریکی محکمہ جنگ کی جانب سے سوشل میڈیاپرجاری بیان میں کہاگیاہےکہ  گزشتہ شب امریکی فو نے ایرانی تیل لے کرجانے والے بغیر رجسٹری کے جہازکے خلاف کارروائی  کی۔

بیان میں مزید کہا گیا کہ ہم غیر قانونی نیٹ ورکس ختم کرنے اور ایران کو معاونت فراہم کرنے والے جہازوں کو روکنے کے لیے عالمی سطح پر کارروائیاں جاری رکھیں گے۔

پینٹاگون کےمطا بق بین الاقوامی پانیوں کو پابندیوں کے شکار عناصر کے لیے ڈھال کے طور پر استعمال نہیں کیا جا سکتا۔ محکمہ جنگ سمندر میں غیر قانونی عناصر اور ان کے جہازوں کی نقل و حرکت کی آزادی کو محدود کرتا رہے گا۔

گزشتہ تین روز کے دوران امریکی افواج کی جانب سے بحر ہند میں ایرانی تیل لے جانے والے جہاز کے  خلاف یہ دوسری کارروائی ہے۔