زیلنسکی کی روس یوکرین جنگ کے خاتمے کیلئے امریکی نمائندوں سے نئے مذاکرات کی تجویز

یوکرین کے صدر ولادیمیر زیلنسکی نے روس یوکرین طویل تنازع اور جنگ کے خاتمے کے لیے امریکی نمائندوں کے ساتھ ایک نئے اور باضابطہ مذاکراتی دور کی تجویز پیش کر دی ہے۔

یوکرینی صدر زیلنسکی نے اپنے بیان میں کہا ہے کہ یوکرین آئندہ چند دنوں میں امریکی نمائندوں اسٹیو وٹکوف (Steve Witkoff) اور جیرڈ کشنر (Jared Kushner) سے ملاقات اور تفصیلی بات چیت کے لیے مکمل طور پر تیار ہے، جبکہ اس سلسلے میں آئندہ کے ممکنہ مذاکرات کا نکتہ وار ڈرافٹ اور تجاویز امریکی حکام کو ارسال کر دی گئی ہیں۔

دوسری جانب امریکی نمائندے کا کہنا ہے کہ روسی ڈیزل کی برآمدات کی مشروط اجازت کا معاہدہ دراصل ماسکو کو مذاکراتی میز پر لانے کی ایک سفارتی کوشش کا حصہ ہے۔ صدر زیلنسکی نے امریکی صدر ڈونلڈ ٹرمپ کی جانب سے توانائی کے شعبے اور انفراسٹرکچر پر حملے روکنے کی جنگ بندی (Energy Ceasefire) کی تجویز کی حمایت کرتے ہوئے واضح کیا کہ اس کی کامیابی روس کی جانب سے اس پر مکمل عملدرآمد سے مشروط ہوگی۔