رواں سال کی پہلی ششماہی میں 2 لاکھ 23 ہزار یوکرینی شہری ملک چھوڑ گئے

یوکرین کی اسٹیٹ بارڈر گارڈ سروس کے سرکاری اعداد و شمار کے مطابق رواں سال 2026ء کی پہلی ششماہی (جنوری تا جون) کے دوران تقریباً 2 لاکھ 23 ہزار یوکرینی شہری ملک چھوڑ کر چلے گئے ہیں۔ رپورٹ کے مطابق اس عرصے میں 71 لاکھ 30 ہزار افراد ملک سے باہر گئے جبکہ 69 لاکھ 7 ہزار افراد واپس داخل ہوئے، جس سے شہریوں کے خالص انخلا (Net Migration) کی تصدیق ہوتی ہے۔

روس یوکرین جنگ کے بعد سے شہریوں کی نقل مکانی بدستور جاری ہے؛ 2022ء میں 70 سے 80 لاکھ، 2023ء میں 1 لاکھ 80 ہزار، 2024ء میں 4 لاکھ 60 ہزار اور 2025ء میں 3 لاکھ 2 ہزار افراد نے یوکرین چھوڑا۔ 2001ء کے بعد سے مردم شماری نہ ہونے کے باعث کیف کے زیرِ انتظام علاقوں میں موجود آبادی کا حتمی تخمینہ 2 سے 3 کروڑ کے درمیان لگایا جا رہا ہے۔