یو اے ای کی فجیرہ بندرگاہ پر ہیکر گروپ حندلہ نے سائبر آپریشن کیا، ایرانی میڈیا

ایک ہیکنگ گروپ “حندلہ ہیک” کی جانب سے دعویٰ کیا گیا ہے کہ متحدہ عرب امارات کی فوجی تنصیبات، خصوصاً فجیرہ بندرگاہ کو ایک مربوط اور مشترکہ سائبر اور میزائل حملے کا نشانہ بنایا گیا ہے۔

گروپ کے مطابق متحدہ عرب امارات کے نظام کو ابتدائی طور پر ہیکنگ کے ذریعے متاثر کیا گیا، جس کے بعد چند ہی منٹوں میں شدید میزائل حملے بھی کیے گئے۔ دعویٰ کیا گیا ہے کہ اس کارروائی میں سائبر حملوں اور میزائل جنگی حکمت عملی کو ایک ساتھ استعمال کیا گیا۔

بیان میں یہ بھی کہا گیا ہے کہ اس آپریشن سے متعلق اہم دستاویزات اور خفیہ معلومات جاری کی جائیں گی، جن میں ہزاروں خفیہ فائلیں شامل ہونے کا امکان ظاہر کیا گیا ہے۔

مزید کہا گیا ہے کہ متحدہ عرب امارات کو ایک “شیشے کے گھر” میں بیٹھنے کے مترادف صورتحال کا سامنا ہے اور اسے سخت نتائج کی وارننگ دی گئی ہے۔