استنبول میں اسرائیلی قونصل خانے کے قریب فائرنگ، 3 حملہ آور ہلاک

ترکیے کے شہر استنبول میں اسرائیلی قونصل خانے کے قریب فائرنگ کے تبادلے میں 3 مسلح حملہ آوروں کو ہلاک کر دیا گیا جبکہ واقعے میں 2 پولیس اہلکار بھی زخمی ہوئے۔

ترک وزیر داخلہ مصطفیٰ چفتچی کے مطابق حملہ آوروں نے یاپی کردی پلازہ کمپلیکس کے باہر پولیس پر فائرنگ کی جس کے بعد فائرنگ کا تبادلہ ہوا اور تینوں حملہ آور بے اثر کر دیے گئے۔

استنبول کے گورنر داؤد گل کے مطابق پلازہ میں واقع اسرائیلی قونصل خانہ گزشتہ ڈھائی سال سے بند ہے۔وزارت داخلہ کے مطابق ہلاک ہونے والے ایک حملہ آور کے روابط ایک ایسی تنظیم سے تھے جو مذہب کو استعمال کرتی ہے۔