امریکا: 83 ہزار سے زائد کوکیز بنا کر انوکھا ریکارڈ قائم کرنیکی کوشش

امریکی ریاست پینسلوینیا کے شہر پٹس برگ میں ویڈنگ کوکی ٹیبل کمیونٹی کی جانب سے ایک ریکارڈ ساز تقریب منعقد کی گئی، جس میں امریکا کی 14 ریاستوں اور نیوزی لینڈ سے 583 بیکرز نے 67 ٹیموں میں حصہ لیا۔

بیکرز نے واشنگٹن کاؤنٹی فیئر گراؤنڈز میں ٹیم ٹیبلز پر مجموعی طور پر 83 ہزار 427 کرسمس تھیم کوکیز پیش کیں، اور آخر میں 78 ہزار 835 کوکیز کا تبادلہ کیا گیا۔

ویڈنگ کوکی ٹیبل کمیونٹی کی خالق لارا میگون کا کہنا تھا کہ یہ کوکیز کرسمس تھیم پر مبنی تھیں اور ریکارڈ بنانے کی کوشش کے شواہد گینیز ورلڈ ریکارڈز میں جمع کرا دیے گئے ہیں۔ منتظمین پُر امید ہیں کہ یہ کوشش دنیا کے سب سے بڑے کرسمس کوکی تبادلے کے زمرے میں اپنا مقام بنا لے گی۔