ایران: شاپنگ سینٹر میں خوفناک آگ بھڑک اُٹھی، 8 افراد جاں بحق

ایران کے دارالحکومت تہران کے مغرب میں واقع شہر اندیشہ کے ارغوان شاپنگ سینٹر میں اچانک آگ بھڑک اٹھی، جس کے نتیجے میں کم از کم 8 افراد جاں بحق اور 36 زخمی ہو گئے ہیں۔ ایرانی عدلیہ کے اخبار ‘میزان’ کے مطابق، عمارت کے بیرونی حصے میں استعمال ہونے والا آتش گیر مواد (کلیڈنگ) آگ کے تیزی سے پھیلنے کی بڑی وجہ بنا۔ ریسکیو ٹیموں نے موقع پر پہنچ کر آگ بجھانے اور امدادی کارروائیاں شروع کر دی ہیں، جبکہ حکام نے واقعے کی وجوہات کا تعین کرنے کے لیے تحقیقات کا حکم دے دیا ہے۔