چند ہفتوں کے دوران شام میں تیل کی پائپ لائن پر تیسرا حملہ، ملوث افراد گرفتار

شام میں پیٹرولیم مصنوعات کے بنیادی ڈھانچے پر حملوں کے سلسلے میں تیزی آ گئی ہے، جہاں گزشتہ چند ہفتوں کے دوران تیل کی اہم پائپ لائن کو تیسری بار تخریب کاری کا نشانہ بنایا گیا ہے۔ تاہم شامی سیکورٹی حکام نے بروقت اور مؤثر کارروائی کرتے ہوئے ان حملوں میں ملوث مبینہ تخریب کاروں کو گرفتار کر لیا ہے۔

شامی حکام کے مطابق آئل پائپ لائن کو نشانہ بنانے کا مقصد ملک میں انرجی سپلائی کو معطل کرنا اور اقتصادی بحران کو مزید بڑھانا تھا۔ سیکورٹی اداروں نے کامیاب انٹیلی جنس آپریشن کے بعد حملے میں ملوث عناصر کو گرفتار کر کے ان کے قبضے سے پیشرفتہ آلات اور مواد برآمد کر لیا ہے۔ شامی وزارتِ پیٹرولیم کے ترجمان نے یقین دہانی کرائی ہے کہ متاثرہ پائپ لائن کی مرمت کا کام ہنگامی بنیادوں پر شروع کر دیا گیا ہے تاکہ تیل کی نقل و حمل کو بلا تاخیر بحال کیا جا سکے۔