سپریم کورٹ کا ایمان مزاری اور ہادی علی چٹھہ کی سزا معطلی پر ہائیکورٹ کو دو ہفتے میں فیصلے کا حکم

سپریم کورٹ آف پاکستان نے ایمان مزاری اور ہادی علی چٹھہ کی سزا معطلی کی درخواستوں پر اسلام آباد ہائیکورٹ کو دو ہفتے کے اندر فیصلہ کرنے کا حکم دے دیا ہے۔ جسٹس شاہد وحید، جسٹس نعیم اختر افغان اور جسٹس شفیع صدیقی پر مشتمل تین رکنی بنچ نے کیس کی سماعت کے بعد یہ حکم نامہ جاری کیا۔ عدالتِ عظمیٰ نے واضح کیا ہے کہ جب تک ہائیکورٹ اس معاملے پر اپنا حتمی فیصلہ نہیں سناتی، یہ کیس سپریم کورٹ میں زیرِ التواء رہے گا۔ اس عدالتی حکم کے بعد اب اسلام آباد ہائیکورٹ کو مقررہ وقت کے اندر ان درخواستوں پر سماعت مکمل کر کے فیصلہ کرنا ہوگا۔