آبنائے ہرمز میں ایک کارگو جہاز کو نشانہ بنائے کی اطلاع موصول

برطانیہ کی یونائیٹڈ کنگڈم میری ٹائم ٹریڈ آپریشنز (UKMTO) کے مطابق، آبنائے ہرمز میں ایک کارگو جہاز کو نامعلوم ‘پروجیکٹائل’ (projectile) سے نشانہ بنایا گیا ہے۔ ایجنسی نے ایک تصدیق شدہ ذریعے کے حوالے سے بتایا کہ فی الحال حملے کی اصل نوعیت یا اس کے پیچھے ملوث عناصر کے بارے میں حتمی معلومات دستیاب نہیں ہیں۔ عالمی تجارت کے لیے انتہائی حساس سمجھی جانے والی اس گزرگاہ میں پیش آنے والے واقعے کے بعد حکام صورتحال کا جائزہ لے رہے ہیں۔