سندھ ایک ہے اور ہمیشہ ایک رہے گا، جب تک ہم زندہ ہیں تقسیم نہیں ہونے دیں گے: مراد علی شاہ

وزیراعلیٰ سندھ سید مراد علی شاہ نے سندھ اسمبلی کے ایوان میں اظہارِ خیال کرتے ہوئے واضح کیا ہے کہ سندھ ایک ہے اور ہمیشہ ایک رہے گا، اور جب تک پاکستان پیپلز پارٹی کے ارکان زندہ ہیں، صوبے کو کسی صورت تقسیم نہیں ہونے دیا جائے گا۔ انہوں نے اپوزیشن کو تنقید کا نشانہ بناتے ہوئے کہا کہ اپوزیشن میں سندھ کی تقسیم سے متعلق کوئی قرارداد لانے کی ہمت نہیں ہے۔ مراد علی شاہ نے مزید کہا کہ ملک آئین کے تحت چلتا ہے اور عوامی نمائندے ایوان میں ایسا فیصلہ کریں گے جو تمام افواہوں کو دم توڑنے پر مجبور کر دے گا۔