سندھ اسمبلی نے سندھ کی تقسیم کے خلاف متفقہ قرارداد منظور کرلی

سندھ اسمبلی نے صوبے کی تاریخی جغرافیائی حدود کی حفاظت اور کسی بھی قسم کی ممکنہ تقسیم کو یکسر مسترد کرتے ہوئے ایک متفقہ قرارداد منظور کر لی ہے۔ پیپلز پارٹی کے سینئر رکنِ اسمبلی نثار احمد کھوڑو کی جانب سے پیش کی جانے والی اس قرارداد پر ایوان میں سیر حاصل بحث کی گئی، جس کے بعد حکومتی و اپوزیشن ارکان نے متفقہ طور پر صوبے میں نئے صوبوں یا انتظامی یونٹس کی تشکیل کی کوششوں کے خلاف اپنے عزم کا اعادہ کیا۔ ایوان نے واضح پیغام دیا ہے کہ سندھ کے عوام کی مرضی اور آئینی حدود کے منافی اٹھایا جانے والا کوئی بھی قدم ہرگز قبول نہیں کیا جائے گا۔