سکیورٹی فورسز کی میران شاہ میں کارروائیاں، مزید 21 دہشت گرد ہلاک
Web Desk
13 June 2026
خیبرپختونخوا کے ضلع شمالی وزیرستان کے علاقے میران شاہ اور اس کے گرد و نواح میں سکیورٹی فورسز نے انٹیلی جنس معلومات پر مبنی ٹارگٹڈ کارروائیاں کرتے ہوئے مزید 21 دہشت گردوں کو جہنم واصل کر دیا ہے۔ پاک فوج کے شعبۂ تعلقاتِ عامہ (ISPR) کے مطابق، یہ کارروائیاں علاقے میں دہشت گردوں کے نیٹ ورک کے مکمل خاتمے کے لیے جاری آپریشنز کا تسلسل ہیں۔آئی ایس پی آر کے مطابق، فورسز اور دہشت گردوں کے مابین ہونے والے شدید فائرنگ کے تبادلے میں 21 جنگجو مارے گئے۔ ہلاک ہونے والوں میں درج ذیل 4 انتہائی مطلوب اور خطرناک سرغنہ (کمانڈرز) بھی شامل ہیںخالد رضا عرف سالار,مفتون,موسیٰ,عمران عرف ایان, یہ چاروں مقتول کمانڈرز سکیورٹی فورسز پر گھات لگا کر کیے جانے والے حملوں، بم دھماکوں اور معصوم شہریوں کے اغوا و قتل کی متعدد سنگین وارداتوں میں سی ٹی ڈی اور قانون نافذ کرنے والے اداروں کو مکتوب تھے۔سکیورٹی فورسز کی انٹیلی جنس بیسڈ حکمتِ عملی کے باعث دہشت گردوں کے بنیادی ڈھانچے کو شدید نقصان پہنچا ہے:میران شاہ پاکٹ میں انتہائی مہارت سے انجام دی جانے والی ان پیاپے کارروائیوں کے نتیجے میں اب تک مجموعی طور پر 48 ہلاک کیے جا چکے ہیں، جس سے دہشت گردوں کا مقامی کمانڈ اینڈ کنٹرول سسٹم مکمل طور پر مفلوج ہو گیا ہے۔ ہلاک ہونے والے دہشت گردوں کے خفیہ ٹھکانوں اور قبضے سے جدید خودکار اسلحہ، ہینڈ گرینیڈز اور بھاری مقدار میں گولہ بارود برآمد کر کے قبضے میں لے لیا گیا ہے۔
متعلقہ عنوانات
ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر
19 November 2026
چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد
19 November 2026
پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار
19 November 2026
نظام کی اصلاح اور قومی فیصلوں کا اختیار عوام کا ہے: طارق فضل چوہدری
19 November 2026
سندھ کے شہری علاقوں کے عوام غلام نہیں: خالد مقبول صدیقی
19 November 2026
حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات
19 November 2026
راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا
19 November 2026
معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ
19 November 2026