سپریم کورٹ: سانحہ بلدیہ ٹاؤن کے مرکزی ملزمان عبدالرحمان بھولا اور زبیر چریا بری

اسلام آباد: سپریم کورٹ آف پاکستان نے سانحہ بلدیہ ٹاؤن کے مرکزی ملزمان عبدالرحمان عرف بھولا اور زبیر عرف چریا کو بری کرتے ہوئے ان کی سزائے موت کالعدم قرار دے دی ہے۔

جسٹس ملک شہزاد احمد خان کی سربراہی میں قائم تین رکنی بینچ نے ملزمان کی جانب سے دائر اپیلیں منظور کر لیں۔ عدالتِ عظمیٰ نے ٹرائل کورٹ اور سندھ ہائی کورٹ کی جانب سے دونوں ملزمان کو سنائی جانے والی سزائے موت کے فیصلے کو یکسر مسترد کرتے ہوئے اسے کالعدم قرار دیا۔

علاوہ ازیں، عدالت نے فیصلے سے چند ریمارکس حذف کرنے سے متعلق متحدہ قومی موومنٹ (ایم کیو ایم) کی درخواست کو غیر مؤثر ہونے کی بنیاد پر نمٹا دیا۔ سپریم کورٹ نے ریمارکس دیتے ہوئے واضح کیا کہ جب بنیادی فیصلہ ہی کالعدم ہو چکا ہے، تو اس سے جڑے ریمارکس ازخود ختم ہو گئے ہیں۔