سعودی عرب میں منشیات اسمگلنگ کے جرم میں 7 افراد کو سزائے موت دے دی گئی

سعودی عرب میں منشیات اسمگلنگ کے مقدمات میں ایک ہی دن میں سات افراد کو سزائے موت دے دی گئی ہے۔ سعودی پریس ایجنسی کے مطابق سزا پانے والوں میں پانچ سعودی اور دو اردنی شہری شامل تھے۔

رپورٹ کے مطابق تمام افراد کو منشیات اسمگلنگ کے سنگین جرم میں مجرم قرار دیا گیا تھا۔ سرکاری اعداد و شمار کے مطابق سعودی عرب میں رواں سال دو ہزار چھبیس کے آغاز سے اب تک منشیات سے متعلق مقدمات میں مجموعی طور پر اڑتیس افراد کو سزائے موت دی جا چکی ہے۔

حکام کے مطابق منشیات کے خلاف سخت اقدامات کا مقصد ملک میں اسمگلنگ اور منظم جرائم کی روک تھام ہے۔