محفوظ ڈیجیٹل ماحول ہر بچے کا بنیادی حق، مؤثر قانون سازی وقت کی ضرورت ہے: سارہ احمد

چیئرپرسن چائلڈ پروٹیکشن بیورو سارہ احمد نے کہا ہے کہ بچوں کو محفوظ ڈیجیٹل ماحول کی فراہمی ان کا بنیادی حق ہے، جس کے لیے ملک میں مؤثر ریگولیٹری اور نگرانی کا نظام وضع کرنا وقت کی ضرورت ہے۔ ایک قرارداد کے ذریعے وفاقی حکومت اور پاکستان ٹیلی کمیونیکیشن اتھارٹی (پی ٹی اے) سے آن لائن سیکیورٹی فریم ورک ترتیب دینے کی سفارش کی گئی ہے۔ سارہ احمد نے بتایا کہ آسٹریلیا، فرانس، چین اور امریکہ کی مختلف ریاستیں بچوں کے سوشل میڈیا استعمال سے متعلق سخت قوانین اور عمر کی پابندیاں نافذ کر چکی ہیں، لہٰذا بین الاقوامی رجحانات کے پیش نظر پاکستان میں بھی کم عمر بچوں کے محفوظ ڈیجیٹل مستقبل کے لیے فوری قانون سازی ناگزیر ہے۔