عمران خان پر جیل میں تشدد کیاجارہاہے، ایک آنکھ ضائع ہوچکی، سلمان اکرم راجہ

پاکستان تحریک انصاف  کے سیکرٹری جنرل  سلمان اکرم راجہ نے کہاہے کہ بانی پی ٹی آئی عمران خان  پر جیل میں تشدد کیا جارہا ہے، اُن کی ایک آنکھ ضائع ہوچکی ہے۔

سپریم کورٹ کے باہر میڈیا سےگفتگو میں سلمان اکرم راجہ کا کہنا تھا کہ عمران  خان اور بشریٰ بی بی کی صحت کو سنگین خطرات لاحق ہیں، ان سے ملاقاتوں سے متعلق عدالتی فیصلوں پر بھی عملدرآمد نہیں کیا جا رہا۔

سلمان اکرم راجہ  کاکہناتھاکہ ایک دوسرے سیاسی قیدی کو جیل میں تمام سہولتیں  میسر تھیں۔

انہوں نے کہاکہ سپریم کورٹ میں درخواستیں دائر کیں مگر کوئی شنوائی نہیں، تمام قانونی طریقے آزماچکے ہیں، اب اپنا مقدمہ عوام کے سامنے  رکھ  رہے ہیں۔