جنگ بندی کےلیے ثالثی نہیں کررہے، پاکستانی کردارکی حمایت کرتے ہیں، قطر

قطری وزارت خارجہ کے ترجمان ماجد الانصاری نے کہا ہے کہ ہم ایران امریکا جنگ بندی کے لیے ثالثی کا کردار ادا نہیں کر رہے۔تاہم  پاکستان، امریکا اور برادر ممالک کے ساتھ اعلٰی سطح کے رابطے جاری ہیں۔

ترجمان کا کہنا تھا کہ ایران اور امریکا جنگ بندی کے لیے نئے ثالث کی ضرورت نہیں، پاکستان کے کردار کی حمایت کرتے ہیں۔

انہوں نے مزید کہا کہ جنگ بندی قائم رکھنے کے لیے مسئلے کا حل ناگزیر ہے، ایران نے جنگ کے دوران قطر پر حملے کیے جو جنگ بندی کے ساتھ رک گئے۔

ماجد الانصاری نے کہا کہ قطر پر حملے روکنے کے لیے ایران کے ساتھ ڈیل کی تردید کرتے ہیں، آبنائے ہرمز پر ایک فریق کا کنٹرول اور اجارہ داری ناقابل قبول ہے، آبنائے ہرمز کی دوبارہ بحالی کے لیے مذاکرات کی حمایت جاری رکھیں گے۔ترجمان کا کہنا تھا کہ ایران کے ساتھ کوئی رابطےنہیں ہیں۔