پنجاب بھر میں نویں جماعت کے سالانہ امتحانات 2026 کے نتائج کا اعلان

پنجاب بھر کے تمام تعلیمی بورڈز (لاہور، راولپنڈی، فیصل آباد، ملتان، گوجرانوالہ، سرگودھا، ساہیوال، بہاولپور اور ڈیرہ غازی خان) نے نویں جماعت کے سالانہ امتحانات 2026ء کے نتائج کا باقاعدہ اعلان کر دیا ہے۔ لاہور بورڈ کے مطابق امتحانات میں 2 لاکھ 80 ہزار سے زائد امیدواروں نے شرکت کی جن میں کامیابی کا مجموعی تناسب 46.51 فیصد رہا اور 53 فیصد سے زائد طلبہ ناکام رہے۔ دوسری جانب ملتان بورڈ میں کامیابی کی شرح 52.11 فیصد ریکارڈ کی گئی، جہاں سائنس گروپ میں 54.79 فیصد اور ہیومینیٹیز میں 34.69 فیصد امیدوار پاس ہوئے، جبکہ اسپیشل طلبہ (ڈیف اینڈ ڈمب) کی کامیابی کا تناسب 98.33 فیصد رہا۔ مزید برآں ساہیوال بورڈ میں 87 ہزار سے زائد شریک امیدواروں میں کامیابی کی شرح 43.41 فیصد رہی۔