حماد اظہر کی گرفتاری کے بعد پی ٹی آئی رہنماؤں کے وارنٹس پر عملدرآمد تیز کرنے کا فیصلہ

اسلام آباد: پاکستان تحریک انصاف (پی ٹی آئی) کے رہنما حماد اظہر کی گرفتاری کے بعد مختلف مقدمات میں مطلوب پارٹی کے دیگر مرکزی رہنماؤں کے پہلے سے جاری عدالتی وارنٹس پر عملدرآمد تیز کرنے کا بڑا فیصلہ سامنے آیا ہے۔

ذرائع کے مطابق نومبر 2024 کے ڈی چوک احتجاج، جوڈیشل کمپلیکس میں ہنگامہ آرائی اور فیض آباد دھرنے سے متعلق مقدمات میں مطلوب پی ٹی آئی رہنماؤں کی جلد گرفتاریوں کا امکان ظاہر کیا جا رہا ہے۔ اس سلسلے میں اسلام آباد پولیس کو قانون کے مطابق کارروائی کی ہدایت جاری کر دی گئی ہے۔

ڈی چوک احتجاج کیس: جنید اکبر اور عبدالغنی کے خلاف نومبر 2024 کے ڈی چوک احتجاج سے متعلق جاری وارنٹس پر فوری عملدرآمد کیا جائے گا۔جوڈیشل کمپلیکس کیس: شبلی فراز، مراد سعید اور حماد اظہر کے خلاف جوڈیشل کمپلیکس میں درج مقدمات کے تحت عدالتی وارنٹس زیرِ عمل لائے جائیں گے۔فیض آباد احتجاج کیس: وزیراعلیٰ خیبرپختونخوا علی امین گنڈاپور اور عمر تنویر بٹ کے خلاف فیض آباد دھرنا و احتجاج کے مقدمے میں قانونی کارروائی کو آگے بڑھایا جائے گا۔دیگر مطلوب رہنما: زرتاج گل، عامر مسعود مغل، ڈاکٹر امجد علی اور مینا خان آفریدی بھی اسلام آباد کے مختلف تھانوں میں درج ایف آئی آرز (FIRs) کی روشنی میں مطلوب افراد کی فہرست میں شامل ہیں۔ذرائع نے واضح کیا ہے کہ یہ تمام ممکنہ گرفتاریاں کسی نئی کارروائی کے بجائے ماضی میں درج مقدمات اور عدالتوں کی جانب سے جاری کردہ دائمی یا باقاعدہ وارنٹس کی بنیاد پر کی جا رہی ہیں۔