پاکستان سٹاک مارکیٹ میں کاروبار کے آغاز پر شدید مندی

پاکستان سٹاک ایکسچینج (PSX) میں کاروباری ہفتے کا آغاز سرمایہ کاروں کے لیے انتہائی تشویشناک رہا، جہاں مشرقِ وسطیٰ میں بڑھتی ہوئی کشیدگی اور آبنائے ہرمز کی صورتحال کے باعث مارکیٹ شدید مندی کا شکار ہو گئی ہے۔

کاروبار کے آغاز پر ہی ہنڈرڈ انڈیکس میں 3,000 سے زائد پوائنٹس کی بڑی گراوٹ دیکھنے میں آئی، جس کے بعد انڈیکس 1 لاکھ 70 ہزار 625 پوائنٹس کی سطح پر گر گیا ہے۔ یاد رہے کہ گزشتہ ہفتے مارکیٹ 1 لاکھ 73 ہزار 939 پوائنٹس پر بند ہوئی تھی، تاہم نئی علاقائی صورتحال نے سرمایہ کاروں کے اعتماد کو ٹھیس پہنچائی ہے۔