پاکستان سٹاک ایکسچینج میں کاروبار کے آغاز پر مندی کا رجحان

پاکستان سٹاک مارکیٹ میں کاروباری ہفتے کے چوتھے روز بھی مندی کا تسلسل برقرار ہے اور ہنڈرڈ انڈیکس میں ایک بار پھر بڑی گراوٹ دیکھی گئی ہے۔ جمعرات کے روز کاروبار کے آغاز سے ہی سرمایہ کاروں کی جانب سے محتاط رویہ اپنایا گیا، جس کے نتیجے میں انڈیکس 1000 سے زائد پوائنٹس گر کر ایک لاکھ 70 ہزار 476 کی سطح پر آ گیا۔

مارکیٹ میں جاری یہ منفی رجحان گزشتہ روز کی مندی کا تسلسل ہے، جب بدھ کے اختتام پر ہنڈرڈ انڈیکس 1 ہزار 576 پوائنٹس کی کمی کے ساتھ ایک لاکھ 71 ہزار 579 پوائنٹس پر بند ہوا تھا۔ معاشی ماہرین کے مطابق مسلسل دوسرے روز انڈیکس میں ایک ہزار سے زائد پوائنٹس کی کمی نے سرمایہ کاروں کے اعتماد کو متاثر کیا ہے اور مارکیٹ میں فروخت کا دباؤ برقرار ہے۔