صدر مملکت آصف علی زرداری ویانا سے لندن پہنچ گئے

صدر مملکت آصف علی زرداری آسٹریا کے دارالحکومت ویانا سے برطانیہ کے شہر لندن پہنچ گئے ہیں جہاں وہ تقریباً دو ہفتے قیام کریں گے۔ ذرائع کے مطابق لندن میں قیام کے دوران صدر مملکت کے مختلف طبي معائنے (میڈیکل چیک اپس) متوقع ہیں، تاہم وہ اس دوران کسی بھی قسم کی باضابطہ سیاسی سرگرمی میں حصہ نہیں لیں گے۔ سینیٹر سلیم مانڈوی والا اور ذاتی معالج ڈاکٹر عاصم حسین بھی ان کے ہمراہ موجود ہیں جبکہ لندن میں مختلف وفود کی ان سے ملاقاتیں بھی متوقع ہیں۔ واضح رہے کہ آصف علی زرداری تقریباً چھ سال کے عرصے بعد برطانیہ پہنچے ہیں اور آئندہ چند روز میں چیئرمین پیپلزپارٹی بلاول بھٹو زرداری کی بھی لندن آمد کا امکان ہے۔