بلاول بھٹو کی منگنی اور شادی کی خبریں بے بنیاد قرار

چیئرمین پاکستان پیپلزپارٹی بلاول بھٹو زرداری کی منگنی اور شادی کے حوالے سے سوشل میڈیا اور ذرائع پر گردش کرنے والی قیاس آرائیوں کے بعد پیپلزپارٹی نے ان خبروں کو مکمل طور پر غلط اور بے بنیاد قرار دے دیا ہے۔ قبل ازیں ایسی خبریں سامنے آئی تھیں کہ صدر مملکت آصف علی زرداری اور بلاول بھٹو زرداری آسٹریا میں موجود ہیں جہاں ایک خاندان سے منگنی کے سلسلے میں ملاقاتیں کی گئی ہیں۔ تاہم بلاول بھٹو زرداری کے ترجمان اور پارٹی رہنما مرتضیٰ وہاب کے علاوہ ایوانِ صدر کے ترجمان نے ان افواہوں کی تردید کرتے ہوئے کہا ہے کہ صدر زرداری نجی دورے پر ہیں اور منگنی یا شادی سے متعلق ایسا کوئی فیصلہ یا باضابطہ اعلان نہیں ہوا، کسی بھی پیش رفت کی صورت میں بھٹو زرداری خاندان خود آفرینش کرے گا۔