محکمہ موسمیات کی اسلام آباد اور بالائی علاقوں میں 3 سے 6 ستمبر تک موسلا دھار بارشوں اور لینڈ سلائیڈنگ کی پیشگوئی

محکمہ موسمیات نے مون سون ہواؤں کے نئے سلسلے کے باعث اسلام آباد، خطہ پوٹھوہار اور ملک کے بالائی علاقوں میں شدید بارشوں کی پیشگوئی کی ہے۔ محکمہ موسمیات کے مطابق 3 سے 5 ستمبر کے دوران اسلام آباد، راولپنڈی اور خطہ پوٹھوہار کے نشیبی علاقے زیرِ آب آنے کا خدشہ ہے، جبکہ خیبر پختونخوا کے بالائی اضلاع میں گرج چمک کے ساتھ بارش متوقع ہے۔ مزید برآں 3 سے 6 ستمبر کے دوران کشمیر اور گلگت بلتستان کے بیشتر اضلاع میں تیز ہواؤں اور موسلا دھار بارشوں کی پیشگوئی کی گئی ہے، جس سے بلند پہاڑی علاقوں میں لینڈ سلائیڈنگ کے خدشات بڑھ گئے ہیں۔ صورتحال کے پیش نظر محکمہ موسمیات نے تمام متعلقہ اداروں کو الرٹ رہنے کی ہدایت جاری کی ہے۔