وزیراعظم شہباز شریف سے ایم کیو ایم کے وفد کی ملاقات، بجٹ پر تجاویز دیں
Web Desk
12 June 2026
اسلام آباد: وفاقی بجٹ کی پیشکشی کے موقع پر سیاسی مشاورت تیز کرتے ہوئے وزیراعظم محمد شہباز شریف سے متحدہ قومی موومنٹ (ایم کیو ایم) پاکستان کے ایک اعلیٰ سطحی وفد نے اہم ملاقات کی ہے۔ ڈاکٹر خالد مقبول صدیقی کی سربراہی میں ملنے والے اس وفد نے وزیراعظم کو آئندہ مالی سال کے بجٹ کے حوالے سے اپنی جماعت کی اہم تجاویز اور مطالبات پیش کیے۔
حکومتی اور پارٹی ذرائع کے مطابق، اس اہم سیاسی ملاقات میں بجٹ کے علاوہ درج ذیل بنیادی نکات پر تفصیلی گفتگو ہوئی
وفد نے اصرار کیا کہ سندھ میں شراکتِ اقتدار کے فارمولے کے تحت گورنر شپ کا عہدہ ایم کیو ایم کے پاس ہونا چاہیے۔ حکومتی اراکین نے وفد کو جواب دیا کہ گورنر سندھ کی حالیہ تبدیلی آپ کو اعتماد میں لے کر (بتا کر) ہی کی گئی تھی، تاہم آئندہ کے لائحہ عمل میں گورنر والے معاملے کو باہمی مشاورت سے دوبارہ دیکھا جائے گا۔
ملاقات کے دوران ایم کیو ایم نے سندھ کے شہری علاقوں کے حقوق اور بلدیاتی اختیارات کا معاملہ بھی اٹھایا وفد نے آئین کے آرٹیکل 140 اے کے تحت مقامی حکومتوں کو بااختیار بنانے اور فنڈز کی نچلی سطح پر منتقلی کا مطالبہ کیا۔کراچی اور حیدرآباد کے لیے خصوصی وفاقی ترقیاتی پیکج پر بات چیت کی گئی۔ وزیراعظم شہباز شریف اور ان کی ٹیم نے ایم کیو ایم کو آرٹیکل 140 اے کے روح کے مطابق نفاذ اور کراچی حیدرآباد پیکج پر عملی طور پر عملدرآمد کرانے کی مکمل یقین دہانی کرائی۔ ڈاکٹر خالد مقبول صدیقی، ڈاکٹر فاروق ستار، مصطفیٰ کمال، امین الحق اور جاوید حنیف۔ حکومتی وفد: وزیراعظم شہباز شریف کے ہمراہ نائب وزیراعظم و وزیرِ خارجہ اسحاق ڈار، رانا ثناء اللہ، احسن اقبال، اعظم نذیر تارڑ، عطاء اللہ تارڑ اور توقیر شاہ موجود تھے۔
متعلقہ عنوانات
ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر
19 November 2026
چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد
19 November 2026
پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار
19 November 2026
نظام کی اصلاح اور قومی فیصلوں کا اختیار عوام کا ہے: طارق فضل چوہدری
19 November 2026
سندھ کے شہری علاقوں کے عوام غلام نہیں: خالد مقبول صدیقی
19 November 2026
حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات
19 November 2026
راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا
19 November 2026
معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ
19 November 2026