وزیراعظم شہباز شریف کا ایرانی وزیر خارجہ سے رابطہ، ہمشیرہ کے انتقال پر تعزیت

وزیراعظم شہباز شریف نے ایران کے وزیرِ خارجہ سید عباس عراقچی سے فون پر رابطہ کرکے ان کی ہمشیرہ کے انتقال پر دلی تعزیت اور گہرے افسوس کا اظہار کیا ہے۔ وزیراعظم نے گفتگو کے دوران ایرانی وزیرِ خارجہ اور ان کے تمام اہل خانہ سے دلی ہمدردی کا اظہار کرتے ہوئے مرحومہ کے درجات کی بلندی اور ایصالِ ثواب کے لیے دعا کی۔

شہباز شریف نے دعا کی کہ اللہ تعالیٰ مرحومہ کو اپنے جوارِ رحمت میں اعلیٰ مقام عطا فرمائے اور سوگوار خاندان کو یہ صدمہ اور ناقابلِ تلافی نقصان برداشت کرنے کے لیے صبر و استقامت دے۔ اس موقع پر ایرانی وزیرِ خارجہ سید عباس عراقچی نے مشکل کی اس گھڑی میں غم کا حصہ بننے، ہمدردانہ خیالات اور مخلصانہ جذبے کا اظہار کرنے پر وزیراعظم شہباز شریف کا شکریہ ادا کیا۔