امریکا میں پاکستانی چاول کی برآمدات بڑھانے کیلئے اہم پیش رفت، برآمد کنندگان کے وفد کی بڑی کمپنیوں سے ملاقاتیں
Web Desk
13 May 2026
امریکا میں پاکستانی چاول کی برآمدات بڑھانے کیلئے پاکستانی چاول برآمد کنندگان کی نمائندہ تنظیم کے وفد نے نیویارک میں اہم تجارتی ملاقاتیں کیں۔
چیئرمین فیصل جہانگیر کی قیادت میں وفد نے اپنے دورۂ نیویارک کے آخری روز مختلف درآمدی و تقسیم کار کمپنیوں اور بڑے تجارتی مراکز کا دورہ کیا جہاں پاکستانی چاول کے برانڈز کو امریکی مارکیٹ میں مزید فروغ دینے پر تبادلہ خیال کیا گیا۔
وفد نے لانگ آئی لینڈ کے علاقے ہکس وِل میں اپنابازار کے مرکزی گودام کا دورہ کیا جہاں ادارے کے مالکان دیپک اور سنگھ سے ملاقات ہوئی۔ اس دوران پانچ امریکی ریاستوں میں قائم اپنابازار کے تیس سے زائد تجارتی مراکز میں پاکستانی چاول کے برانڈز کی دستیابی بڑھانے اور پاکستانی چاول کیلئے خصوصی نجی برانڈ متعارف کرانے پر غور کیا گیا۔
بعدازاں وفد نے امریکہ میں پاکستانی چاول درآمد کرنے والے بڑے ادارے آہو بارہ کا دورہ کیا جہاں امریکی بندرگاہوں پر کلیئرنس، زرعی ادویات کی باقیات سے متعلق ضوابط اور خوراک و ادویات کے امریکی ادارے کی منظوری کے معاملات پر گفتگو ہوئی۔
وفد نے نیوجرسی کے شہر ایڈیسن میں بیسٹ فوڈز کا بھی دورہ کیا جہاں چیف آپریٹنگ افسر راجیش اسرانی اور جنرل منیجر تاج رضوی نے ادارے کے کاروباری نظام اور تقسیم کاری نیٹ ورک سے متعلق بریفنگ دی۔
اس موقع پر بتایا گیا کہ کمپنی پاکستان کے معروف برانڈز نیسلے، ٹیپال، شان، ای بی ایم اور پکوڑا سمیت پاکستانی چاول کے معروف برانڈ زیبرا کے ساتھ بھی کام کررہی ہے جبکہ وفد نے مزید پاکستانی چاول برانڈز شامل کرنے پر زور دیا۔
چیئرمین فیصل جہانگیر نے دورے کو کامیاب قرار دیتے ہوئے کہا کہ امریکی مارکیٹ میں پاکستانی چاول کی طلب اور دلچسپی میں اضافہ ہورہا ہے، جس سے برآمدات کے نئے مواقع پیدا ہوں گے۔
وفد نے نیویارک میں پاکستانی قونصل خانے، قونصل جنرل عامر احمد اتوزئی اور تجارتی و سرمایہ کاری مشیر عدنان محمود اعوان کے تعاون کو بھی سراہا۔
متعلقہ عنوانات
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026
اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ
19 November 2026
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026