سندھ طاس معاہدہ, پاکستان کا عالمی ثالثی عدالت کے فیصلے کا خیرمقدم

حکومتِ پاکستان نے سندھ طاس معاہدے سے متعلق عالمی ثالثی عدالت کے فیصلے کا خیرمقدم کرتے ہوئے واضح کیا ہے کہ بھارت اس معاہدے پر مکمل عملدرآمد کا پابند ہے۔ عالمی ثالثی عدالت نے اپنے فیصلے میں عبوری اقدامات جاری کرتے ہوئے صراحت کی ہے کہ بھارت کو سندھ طاس معاہدہ معطل کرنے کی ہرگز اجازت نہیں ہے اور نہ ہی عالمی قوانین کے تحت ایسا ممکن ہے۔ حکومت کے مطابق معاہدے کے تحت پن بجلی منصوبوں کا ڈیزائن اور آپریشن تبدیل نہیں کیا جا سکتا۔ فیصلے سے یہ بات روزِ روشن کی طرح عیاں ہو گئی ہے کہ سندھ طاس معاہدہ نہ تو ختم ہوا ہے اور نہ ہی اس کی کارروائیاں معطل ہوئی ہیں۔