پاکستان سٹاک مارکیٹ میں کاروبار کا مثبت زون میں آغاز

پاکستان سٹاک مارکیٹ میں کاروبار کے دوران مثبت رجحان کا سلسلہ جاری ہے۔ کاروباری ہفتے کے تیسرے روز کے آغاز پر سٹاک ایکسچینج میں زبردست تیزی دیکھنے میں آئی، جہاں 300 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 68 ہزار 837 پوائنٹس کی سطح پر پہنچ گیا۔ واضح رہے کہ گزشتہ کاروباری روز کا اختتام بھی شاندار تیزی پر ہوا تھا جب ہنڈرڈ انڈیکس 2,592 پوائنٹس کے بڑے اضافے کے ساتھ ایک لاکھ 68 ہزار 460 پوائنٹس کی سطح پر بند ہوا تھا۔ ماہرین کے مطابق مارکیٹ میں سرمایہ کاروں کا اعتماد بحال ہے اور مسلسل مثبت کاروباری سرگرمیوں سے انڈیکس نئی بلندیوں کو چھو رہا ہے۔